Team
Mir si zwe ufgsteuti, jungi Froue. Obwouh mir ir Schueu mitem Handarbeite nid viu hei chönne afo, hei mir jetzt doch üse Gfaue dra gfunge. Mir finges super, aui mögliche Sache säuber z'mache und angerne dermit ä Fröid chönne z bereite.
Üsi Idee im Berich Handarbeit si gränzelos. Mir probiere viu nöii Sache us und erfinge üs und üsi Arbeite immer wider nöi.
Michèle
Tierliebi Kreativdänkerin
Da i ä chlei ä eisitige Bürojob ha, mues wenigstens i mire Freizyt immer öppis loufe. I bi gärn mit mire Hündin ir Natur, begleite mi Fründ uf Töfftoure oder gniesse die warme Täg ar Ämme.
Wo mis Gottemeiteli isch uf d'Wäut cho, hani mitem Nähie wider agfange. I liebes chlini, süessi Bodies und Stramlper z'nähie. Aber ou Sache für Erwachseni ghöre i mis Repertoire.
Äbefaus due i sehr gärn öppis chnüble, bastle und mittlerwile es ungratsmau sogar lisme.
Martina
Voubluet Muetter & Hobbyschniderin
Mis Hobby isch mi Job gsi. I has gliebt Töffe z'flicke und i mire Freizyt mit mire Maschine ungerwägs z'si.
Darum het mer nach dr Geburt vo mire Tochter, näbem Hushaut u mim Baby ä Usglich und es Hobby gfäut... das hani de bim Nähie und Bastle gfunge.
Jetzt isches für mi scho fascht wie ne Sucht!!